Actualités

Haintrano tao Antseranampasika Fianakaviana 07 traboina, Ar.180 tapitrisa lasa lavenona

Actualités
Talata 16 Aogositra 2011

Nitrangana haintrano tao Analamboanio Antseranampasika Toamasina ny alin’ny zoma 12 aogositra teo. Trano 07 izay samy fivarotana sy magazay fametrahana entana avokoa ireto may ireto. Tokony tamin’ny 11 ora alina no nisy nahita ny afo tao amin’ny trano iray izay tsy misy olona mipetraka mifanila amin’ireto trano lasa lavenona ireto. Efa tao anaty torimaso rahateo ny mpianakavy, ny afo koa tonga dia nanakatra ny tafon’ilay trano niandohan’ny afo. Ny famoahana izay tratra sy ny zaza no azon’izy ireo natao. Tsy ilaozan’ny mpanararaotra ny toy itony ka tovolahy iray no saron’ny FIP ambodiomby. Mitentina Ar.180 tapitrisa teo ny fananana lasa lavelona tamin’ireo trano 07 may. Efa manao fanadiadiana ny faritra Atsinanana sy ny polisy ka ho hita eo ny marina momba ity haintrano ity.

Rakoutou