Actualités

Haino amanjerim-panjakana Areno io TVM io !

Actualités
Alatsinainy 16 Aprily 2012

Ara-bakiteny mihitsy ilay ho tsy manara-penitra, raha ny zava-nisy omaly nandritra ny fitantarana mivantana ny ampahany tamin’ilay fifaninanana iraisam-pirenena taranja tsipy kanetibe. Ankoatra ilay mpitantara dia misy olona miteny ratsy tsotra izao mihitsy ren’ny mpijery io fahitalam-pirenena io. Naharitra minitra maromaro izany vao nijanona, fa hoe «tsy mahazo miteny ratsy moa ato !».

Ankoatra izay dia niato matetika noho ny lafiny ara-teknika ny fitantarana …farany dia najanona. Tsy io ihany fa matetika dia tsy manaraka ny fenitra maha televizionam-panjakana azy. Ampahany ihany io fa tsy lazaina ny fahatapahana any ivelan’ny faritra, toy ny etsy Ankazobe, izay tapa-bolana tsy nandeha noho ny resaka jiro. Mila fanarenana haingana !

Rabeso