Actualités

Gasy Fashion Hetsika hanandratana ny lamaody vita Malagasy

Actualités
Alakamisy 02 Jona 2016

Mitady ho fatin�ny fanatontoloana sy ny lamaody avy any ivelany ny lamaody Malagasy, hany ka tsy mahasarika ny ankamaroan�ny olona intsony.

Tena manan-karena akora anefa isika Malagasy no sady manana mpamorona lamaody mahay marobe ihany koa. Anisan’ireny i Sariaka Rah izay tsy zoviana amintsika intsony. Mba ho fanandratana ny lamaody vita Malagasy sy ho fampahafantarana ireo mpisehatra amin’izany eto amintsika ary dia hotanterahina tsy ho ela ilay hetsika “Gasy Fashion” andiany voalohany amin’ity taona 2016 ity. Etsy amin’ny lapan’ny tanànan’Analakely no hanatanterahana izany 4 jona ho avy izao tontolo andro. Manodidina ny 30 ireo trano eva handray anjara amin’izany ahitana ireo mpanao asa tanana malagasy, mivarotra karazam-bokatra malagasy toy ny akanjo, ny kiraro, ny poketra. Mbola hitohy mandritra ny alina manomboka amin’ny 9 ora izany amin’ny alalan’ny filatroana hisalorana ireo lamaody vita malagasy ny hetsika. Tsy misy ny vidim-pidirana.