Actualités

Foloalindahy Misy manamboninahitra lefitra tsy faly

Actualités
Alakamisy 31 Mey 2012

Manao ranolava ny karazana fanambarana re avy amin’ny foloalindahy. Taorian’ny fanambarana nataona andiana manamboninahitra ambony ny alatsinainy 21 mey 2012 sy ireo manamboninahitra jeneraly misotro ronono vitsivitsy sahy mijoro ny alarobia 23 mey 2012 dia re koa izao fa misy andiana manamboninahitra lefitra maneho ny tsy fahafaliany amin’ny zava-misy iainany tato anatin’izao tetezamita izao. Anisan’ny tsy mahafaly azy ireo ny tsy nanatanterahana hatramin’izao ireo zava-tinapaka nandritra «Assise militaire» ny volana mey 2009. Mahazo vahana koa ny resa-bola. Milaza tsy hangina manoloana izany izy ireo.

Nangonin’i Jean D.