Actualités

Fokontany III G Hangar Mandrevo ny fotaka, nanjavona ny tetikasa lalankely

Actualités
Sabotsy 18 Jona 2016

Lasa resabe fotsiny ilay tetikasa lalankely nampanantenain�ny fanjakana ho an�ny fokontany III G Hangar, hoy ny lefitry ny sefom-pokontany, Rabemiafara Soloniaina Charles.

Ny ampahadimin’ny lalana ihany mantsy no vita hatreto dia nanjavona tsy hita intsony ireo olona nanao ny asa. Miaina anaty fotaka na vovoka hatrany ny mponina vokatr’izany, miankina amin’izay toetr’andro misy, raha anisan’ny nitana ny laharana voalohany hatrany ny fokontany tamin’ireo karazana fifaninanana momba ny fahadiovana nokarakarain’ny tompon’andraikitra hatramin’izay. Nanambara moa ity lefitry ny sefom-pokontany ity fa tsy manana tetibola entina hanamboarana fotodrafitrasa toy ny lalankely ny fokontany. Noho izany dia manao antso avo amin’ny fanjakana izy ireo mba hijery akaiky ny zava-misy. Anisan’ny fokontany be mponina indrindra moa ny III G Hangar. Raha tsiahivina dia voasokajy ho ambany toerana tokoa ary mitondra faisana hatrany isaky ny fotoam-pahavaratra.

Pati