Actualités

Fivarotan-drongony Lehilahy iray no tratra tetsy Ambohijatovo

Actualités
Alarobia 13 Jolay 2022

Voasambotry ny Polisy miasa ao amin’ny kaomisaria CSP2 Ambohijatovo ny lehilahy iray 24 taona omaly rehefa nivarotra zava-mahadomelina.

Nandritra ny fisafoana nataon’ireo Polisy teny amin’iny boriborintany faharoa iny no nahafantaran’izy ireo fa misy lehilahy iray mihaodihaody eny Tsiadana mivarotra zava-mahadomelina. Nidina avy hatrany teny an-toerana ny mpitandro ny filaminana nanao ny fanaraha-maso. Natao ny vela-pandrika ka sarona teo am-pivarotana tokoa ity lehilahy ity; tratra ambodiomby teo am-panomezana rongony olona , teo akaikin’ny fiangonana iray teo Tsiadana . Araka ny fantatra dia sady mifoka ny lehilahy no mivarotra.
Pati