Actualités

Fisamborana mpianatra teny Ankatso Manazava ny Talen�ny CROUA

Actualités
Alarobia 22 Jona 2011

Fisamborana mpianatra teny Ankatso Manazava ny Talen�ny CROUA

Mpianatra ny fito amin’ireo raha olon-tsotra ny iray. Mba ho famerenana amin’ny laoniny ny fandriampahalemana sy mba hisian’ny filaminana anefa dia tsy nitazona azy valo ireto ny Croua fa namotsotra azy. Eo an-daniny anefa dia mandeha ny resabe hatry ny omaly fa misy mpianatra roa tsy hita eny Ankatso ka nanosika ny Croua hanao io fanambarana io. Araka ny nambaran’ny Talen’ny Croua, Randriamiarinarivo Abel, dia ho famerenana amin’ny laoniny ny endriky ny fotodrafitrasa eny Ankatso no antony nandravana ireo fanorenana tsy ara-dalàna nataon’ny mpianatra teny. Tranon’ny mpianatra miisa 20 no voakasiky ny fandravana ary efa vita tamin’io afak’omaly io ihany ny asa. Na izany aza anefa, nohamafisiny fa tsy tampoka no nahatongavan’izy ireo teny Ankatso no sady fanarahana ny didy navoakan’ny fitsarana ihany koa. Nialoha iny asa fandravana iny mantsy dia efa nandresy lahatra ireo mpianatra eny Ankatso ny Croua ny amin’ny tsy maha ara-dalàna ny asa fanovana endrika na fanitarana ny trano nomena azy ireo izay midika ho gaboraraka saingy mbola nataony izany ary izao no niafarany. Na izany aza anefa efa milamina tanteraka ny toe-draharaha eny an-toerana, araka ny fanazavan’ny Talen’ny Croua ity hatrany.