Actualités

Fiompiana Hasiana kavina tsy azo atao hosoka ny omby

Actualités
Alakamisy 29 Aprily 2021

Taorian’ny pilin’omby na “puce électronique” dia miala any indray ny kavin’omby elektronika. Ny tetikasa LITS na

“Livestock Identification and Traceability System” eo anivon’ny ministeran’ny fambolena sy fiompiana ary ny jono no hanatanterahana azy io hanatsarana ny sehapihariana omby indrindra fa ny fanaraha-maso sy ny rafitra fanjohiana ny omby amin’ny alalan’ny fametrahana ny kavin’omby elektronika. Tsy azo anaovana hosoka izy ity, ahitana ny antontan’isa sy antontam-baovao rehetra mahakasika ilay omby, ny fahasalamany toy ny vaksiny vitany sy ny toerana nandalovany. Hifameno amin’ny pilin’omby ny kavin’omby na amin’ny fanaraha-maso na amin’ny fampanarahana ny biby fiompy. Amin’ny fanombohana dia kavina miisa 100.000 no hapetaka any amin’ny faritra Anosy sy Androy ary Atsimo Andrefana sy Ihorombe. Apetaka amin’ny ravin-tsofina roa amin’ny omby ny kavina, ary ny omby tsirairay dia samy manana ny kavina. Araka ny fanazavana dia maimaimpoana ny fametrahana azy ary ireo mpiompy izay manana ny angona ka maniry ny hametahana kavina ny ombiny dia afaka misitraka izany.

Nangonin’i Jean D.