Actualités

Fihaonana UE-Afrika Miandrandra ny FED 11 i Madagasikara

Actualités
Alatsinainy 31 Martsa 2014

Ny alarobia 02 sy alakamisy 03 aprily 2014 izao no hotanterahana any Bruxelles, renivohitr�i Belzika ny fihaonana an-tampon�ny Vondrona Eoropeanina sy i Afrika.

Anisan’ny voaasa handray anjara amin’ity fivoriana manan-danja ho an’ny firenena Afrikanina ity i Madagasikara. Ny firenena Malagasy izay voasazy teo amin’ny tsy nahafahana niatrika hatrany ny karazana fihaonambe iraisam-pirenena tahaka izao taorian’ny fanonganam-panjakana nitranga tamin’ny taona 2009. Fatiantoka iray goavana naterak’izany ny tsy nahazoantsika ny famatsiam-bola goavana avy amin’ny Vondrona Eoropeanina dia ny «Fonds Européen de Développement» nandritra ny krizy naharitra teto amin’ny firenena.

Tsy hitsanga-menatra kosa ny fanjakana Malagasy amin’ity indray mitoraka ity satria sady hanatrika ny dinidinika rehetra hatao no afaka ihany koa mandresy lahatra amin’ny famerenana ity famatsiam-bola goavana eo amin’ny sehatry ny fampandrosoana ity. Efa nialoha lalana ny delegasioana Malagasy any an-toerana tamin’ny faran’ny herinandro lasa teo moa ny minisitry ny Varotra Ramalason Olga. Nambarany fa miandrandra ny FED andiany faha-11 isika izay mitentina hatrany amin’ny 450 tapitrisa euros.