Actualités

Fihantsiana tsy mihoatra an�izao

Actualités
Zoma 13 Mey 2016

Ny resaka no tsy atao betsaka ry Jean ny mamerina azy no tsy tanty. Asa raha mba efa henonareo izany tenin�ny Ntaolo izany, na dia efa zatra ny manao be marenina ianareo, ka any an-tanin�olona avy no manondrana.

Eto an-tanàna ianareo tsara resaka sy mampandry adrisa ery fa tsy manam-bola, sahirana, aleo aloha mihafy ... Hay izato ianareo ry Jean ka manao saka manafin-koho fotsiny. Ny mpamosavy mandeha alina anie aza ka misy mahita e ! F’angaha raha hoe any andafy any dia tsy ho fantatray ? Dia inona indray izao no holaizanareo amin’izany fiaramanidina manokana jet izany e ? Izao ianareo ataon’ny olona resabe, fa tombontsoa manokana no mahamaika anareo fa tsy tombontsoan’ny besinimaro an. I Jean moa mangina be, ka efa fantatrao ihany ilay hoe manaiky matoa tsy miteny e ! Fihantsiana anie tsy misy toy izany ataonareo izany ry Jean e ! Ny olon-drehetra terenareo hihafy, nefa ianareo kay milela-molotra any ambadika any. Aiza moa no tsy ho betsaka ny ahiahy ry Jean.