Actualités

Fifohana sy fivarotana héroïne Tovolahy 2 tratra teny Ambohijafy Itaosy

Actualités
Alakamisy 14 Jolay 2022

Tovolahy roa izay samy 22 taona avy no nosamborin’ny polisy misahana ny ady amin'ny zava-mahadomelina afak’omaly 12 jolay 2022 teny Ambohijafy Itaosy rehefa nidoroka sy nivarotra héroïne.

Raha araka ny fantatra dia efa narahi-maso nandritry ny fotoana vitsy izy ireo. Efa maro koa ny fitarainana voaray ny amin'ireo zatovolahy ireo izay fantatra fa manaparitaka zava-mahadomelina eraky ny tanàna mihitsy ka voatery nanaovana izao velam-pandrika izao. Tratra tao an-tranon'ny iray amin'izy roa lahy izy ireo ary mbola nahatràrana héroïne 5 cocotte. Taorian'ny fanadihadiana dia fantatra fa 5 000ar no hamarotana ny cocotte iray raha toa ka 3000ar no hakana izany,izay vao tapa-bolana no nanombohan'izy ireo nivarotana azy. Nihaiky avy hatrany ireto roa lahy ireto fa efa mivarotra ary mandray an’io zava-mahadomelina io. Natolotra ny fampanoavana omaly 13 jolay ny raharaha.
Nangonin’i Pati
Legende : Izy roalahy !