Actualités

Fiakaran�ny vidin-tsolika Hiteraka fipoahana ara-tsosialy

Actualités
Alakamisy 28 Jolay 2016

Akora fototra mibaiko ny fidangan�ny vidim-piainana ny solika. Niakatra hatrany anefa io vidim-piainana io teto Madagasikara hatramin�ny fisondrotry ny vidin-tsolika, hoy ny profesora Ralison Roger.

Ankoatra ny faharatsian’ny lalana dia olana hatrany ny fahalafosan’ny saram-pitateram-bokatra eto amintsika izay miankina betsaka amin’ny vidin’ny gazoala. Mahagaga sy mahavariana rahateo ny kisarisarin’ny vidin-tsolika eto amin’ny firenentsika tao anatin’ny 10 taona, hoy ity mpahay toekarena ity. Lafo lavitra mihoatra amin’ny ankehitriny mantsy ny iray barila izay nanodidina ny 140 dolara ary namidy 3.000 ariary tamin’ny mpanjifa Malagasy ny litatry ny lasantsy tamin’izany. Efa milatsaka ambany be hatrany amin’ny 40 dolara indray ny barila nefa mbola maherin’ny 3.000 ariary ihany no mbola hamarotan’ny mpaninjara azy. Manana andraikitra feno amin’ny fanazavana ny zava-misy marina ny fanjakana Malagasy amin’ny alalan’ny minisitera mpiahy. Ahiana ny fipoahana ara-tsosialy hateraky ny fidangan’ny vidim-piainana vokatry ny vidin-tsolika lafo, araka ny fanampim-panazavany.

Nangonin-dRamano F.