Actualités

Fiahiana ara-tsosialy Tany Mahanoro ny CNaPS

Actualités
Alatsinainy 14 Aprily 2014

Mba tsy hampivezivezy sy tsy haha tompon-trano mihono ireo mpampiasa sy ny mpiasa any Mahanoro momba ny fiahiana ara-tsosialy dia nidina ifotony tany an-toerana ny ekipan�ny Tahirim-pirenena nikarakara fiofanana ny talata 08 aprily hatramin�ny zoma 11 aprily lasa teo tao amin�ny �Congr�gation Chinoise� Mahanoro.

Maro tamin’ireo mpampiasa any Mahanoro no tsy mbola mahafantatra ny adidiny ka mba hanatsarana ny fifandraisan’izy ireo amin’ny mpiasany eny anivon’ny orinasa dia nasaina manokana izy ireo hiofana mba hahalalany bebe kokoa ny momba ny lalàna mifehy ny asa eto Madagasikara. Anisan’izany, ohatra, ny tsy maintsy hampidirana ny mpiasa ho mpikambana CnaPS. Notsiahivina indray fa tsy natao hamono olona akory ny lalàna fa natao indrindra hisian’ny fifampitsinjovana sy natao handavorariana ny zo fototra eo amin’ny sehatry ny asa. Nomena boky torolalana momba ny fiahiana ara-tsosialy ireo mpandray anjara mba hahafahan’izy ireo mizara amin’ny mpiara-belona sy ny mpiara-miasa ny zava-misy momba ny zo fototra sy ny lalàna mifehy ny asa eto Madagasikara mba tsy hisy very zo.