Actualités

Fanoherana ny fitrandahan’ny Sinoa Nitokona nanoloana ny fitsarana ny mponin’Ambatofahavalo

Actualités
Zoma 19 Martsa 2021

Nitokona nanoloana ny lapan’ny fitsarana etsy Anosy omaly ireo mponin’ny kaominin’Ambatofahavalo izay

tsy manaiky ny fanomezana ny tanin’izy ireo hitrandrahan’ny sinoa fasika. Efa miotsaka ankehitriny ny taninay, hoy ny solontenan’ny mponin’Ankadivoribe Faravohitra. Olon-tsotra Malagasy no tompon’ny tany fa tsy sinoa. Hatrany amin’ny distrikan’Andramasina hiatraikan’ity fitrandrahana ity daholo, hoy izy ireo. Tsy manana taratasy ahafahana miditra eo amin’io tany io ankoatran’izay nomen’ny ben’ny tanana azy ireo sinoa. Tsy nisy fierana taminay vahoaka, hoy kosa ny mponin’i Faravohitra, Rakotoarivony, nialohan’ny fitrandrahana. Nataon’ny ben’ny tanana ilay fifanarahana izay izy vao niresaka taminay. Tsy hanaiky hatramin’ny farany izahay, noho izany, hoy hatrany izy ireo, satria manimba ny taranakay io fitrandrahana ion a dia efa 2 volana aza izay no niatombohany.

J. Mirija