Actualités

Fangatahan’ny Fitondrana Malagasy Natolotra ny solontenan’ny Masoivohon’i Afrika Atsimo

Actualités
Alatsinainy 11 Janoary 2021

Nandray ny solontenan’ny Masoivoho Afrika Atsimo ny Minisitry ny Raharaham-bahiny,

Dr Tehindrazanarivelo Djacoba A.S. Oliva, ny tolakandron’ny omaly alahady 10 janoary 2021. Ny raharaha fanondranana volamena an-tsokosoko milanja 73, 5 kg no votoatin’ny dinika. Araka ny toromarika nomen’ny Filoham-pirenena Andriamatoa Andry Rajoelina, dia nandray ny andraikitra tandrify azy ny Ministeran’ny Raharaham-bahiny eo amin’ny fangatahana fiaraha-miasa ara-pitsarana eo amin’ny tany roa tonta, mba hamerenena ireo harem-pirenena ireo eto Madagasikara sy ireo izay tratra tany Afrika Atsimo tamin’izao raharaha izao, hoy ny tatitra. Araka izany dia natolotry Minisitra mivantana tamin’ny solontenan’ny Masoivohon’i Afrika Atsimo ny antontan-taratasy mirakitra izany fangatahan’ny Fanjakana Malagasy izany, hoy ny fampitam-baovao.

Toky R