Actualités

Fanemorana datim-panadinana Be no mimenomenona

Actualités
Alatsinainy 02 Jolay 2012

Fimenomenomana ! Izay no re ombieny ombieny eny am-bavan�ireo ray aman-dreny manan-janaka hiatrika fanadinam-panjakana taorian�ny fanambarana nataon�ny minisitry ny fanabeazam-pirenena Manoro R�gis, ny zoma 29 jona teo, nanemotra ireo datim-panadinam-panjakana rehetra.

. Ireo mampiana-janaka amin’ny sekoly tsy miankina no tena mimenomenona ary velon-taraina ny ankamaroany. Marihina fa Iray volana eo ny fanemorana datim-panadinana tinapaky ny fanjakana. Vokatr’io fanemorana io anefa dia voatery nanalava ny taom-pianarana ihany koa ny sekoly, ary dia mitombo iray volana manaraka izay koa ny saram-pianarana aloan’ny ray aman-dreny, hany ka tsy vitsy tamin’ireto farany no nilaza fa tokony ho notazomina ny 10 jolay ihany ny datim-panadinana CEPE fa ny an’ny lehibe no nahemotra, dia ny BEPC, BACC, CAP/EP izany. Betsaka amin’ireo mampiana-janaka amin’ny sekoly tsy miankina koa no mametra-panontaniana hoe inona no hataon’ireo ankizy tsy hiatrika fanadinam-panjakana any an-tsekoly mandritra io fanalavana taom-pianarana iray volana io ?

Nangonin’i Jean D.