Actualités

Fandrakofana ala an`i Madagasikara Hatomboka ny alakamisy izao ny “Agora”

Actualités
Alarobia 27 Janoary 2021

Mandroso ny fanomanana ny fanombohan’ny tetikasa « Agora des Paysages et des Forêts »,

izay ho atao ny 28 janoary ho avy izao, hoy ny INDRI (Initiative pour le Développement, la Restauration écologique et l`Innovation). Nihaona tamin’ny mpisehatra efa mihoatra ny 40 izy ireo tao anatin’ny volana vitsivitsy ka nahafahana nanangona ny hevitra sy ny tolo-kevitr'izy ireo izany. Marihana fa anisan` ireo mpisehatra ny minisiteran` ny tontolo iainana, ny minisiteran` ny toekarena sy ny vola ary ireo sampandraharaham-panjakana samihafa… Tsapa fa vonona ny hanolo-tena ho an’ny fahombiazan’ny fandrakofana ala ny firenena ireo mpisehatra ireo, hoy ny fampitam-baovao. Tanjon` ny « Agora » dia ho fanampiana ny fampiroboroboana ny marimaritra iraisana malagasy sy hanamorana ny fahombiazan’ny fandrakofana ala ny firenena, ary ho fanohanana ny ezaky ny tompon'andraikitra tsirairay sy ny mpisehatra rehetra.

Marigny A.