Actualités

Partagé sur :
• facebook

Niteraka resabe teto amintsika tato ho ato ilay fanaovana hetsika kopia faobe tanterahin’ny Fitondram-panjakana amin’ny alalan’ny Ministeran’ny Fitsarana sy ny Ministeran’ny Ati-tany.

Amin’ny rehetra mantsy dia ho fanenjehana ny fifidianana izay ho Filoham-pirenena hotontosaina amin’ny taona 2023 no anton’izany, indrindra fa ho an’ireo feno 18 taona mbola tsy manana karapanondrom-pirenena ( CIN). Namaly izany ny Ministry ny Fitsarana Rakotozafy Francois omaly ka nambarany fa tsy misy idiran’ny resa-politika velively ity fanomezama kopia faobe mbola tsy manana izany ity. Olona an-tapitrisany mantsy hoy izy no mety ho very zo raha sanatria ka tsy tanteraka izany, indrindra fa ho an’ireo mbola tsy manana kopia. Anisan’ny antony hanomezana tambin-karama ny mpitsara hanao ny asa izany hoy izy. Notsiahiviny mantsy fa mahatratra 1695 ny kaominina tsy maintsy hotetezina sy hiasan’ireto farany amin’ny fanaovana ilay fitsarana mitety vohitra manerana ny Nosy. Miantso ny rehetra mnba tsy ho voafitaka araka izany ny ministra ho tombontsoa ambonin’ny firenena. Ho an’ireo mpitsara sasany nanaiky naneho ny heviny moa dia nambarany fa tsy tokony hoterena izy ireo. Marobe ihany koa ny zavatra hataonay hoy ny sasany ka tokony hisy ihany ny fandaminana hapetraka na dia resaka zon’olombelona aza no ao anatin’izany fa tsy hatao tery vay manta fotsiny. Miisa 3 tapitrisa moa ireo olona kendrena hahazo kopia mari-pahaterahana sy karapanondrom-pirenena ao anatin’ity tetikasa ity. Nangonin’i Pati Legende : Ny ministry ny Fitsarana Rakotozafy Francois
 

Tia Tanindrazana

Samia mijoro ho an'i Gasikara.