Actualités

Fanamparam-pahefana Lanonana niafara tamin�ny ady

Actualités
Talata 26 Jolay 2011

Fanamparam-pahefana Lanonana niafara tamin�ny ady

Ny sabotsy hariva lasa teo no nitrangan’izany. Araka ny vaovao azo, dia fanamparam-pahefana no nataon’ireo tompon’ilay trano nofaina tamin’io fotoana io. Nisy mariazy natao mantsy tao amin’ilay toerana. Nandritra izany dia gaga ireo mpanofa satria tsy afaka nifaly ampitoniana satria tsy voahaja ny fifanarahana natao ary voalaza fa tratran’ny antsojay nataon’ireo tompontrano ry zareo. Tsy nahazo nikitika ireo fitaovam-pandihizana sy fandefasana mozika firy mantsy izy ireo. Nanomboka tamin’ny 5ora hariva, dia efa tapaka ny herinaratra. Rehefa nojerena anefa ny teny amin’ny manodidina, dia tsy nahitana izany fahatapahan-jiro izany. Tsy tapitra akory ny ora tokony hifaranan’ny lanonana, dia efa nandroaka azy ireo ny tompon’ilay toerana. Raikitra tamin’izay ny fifamaliana sy ny fifandirana teo amin’ny andaniny sy ny ankilany, ka namoaka antsy ny zanaky ny tompontrano. Nisy ny fifampikasihan-tanana ka ny iray tamin’ireo olona nasaina no naratra.

Rabe