Actualités

Fanamboaran-dalana Tsy hisy mandritra ny tetezamita

Actualités
Talata 12 Aprily 2011

Tsy misy asa vaventy azo antenaina mandritra ity taona ity, izany hoe ny vanimpotoan’ny tetezamita noho ny tsy fisian’ny famatsiam-bola avy any ivelany. Ny fikojakojana ny lalana mahazatra ihany no zakan’ny kitapombolam-panjakana izay ampiasana ny famatsiam-bola FER sy ny ARM. Raha ny nambaran’ny minisitry ny asa vaventy, Zafimbelo Alain dia lalana mirefy 500 km no hanaovana fikojakojana mahazatra amin’ity taona ity izay handaniana 36 miliara ariary. Vola avy amin’ny FER avokoa ireo.

Miandry ny vanimpotoana main-tany anefa vao hanomboka ny fanampenana ireo lalana simba, izany hoe any amin’ny volana mey any ho any, araka ny fanazavan’ny minisitra ihany. Na dia tsy manana famatsiam-bola vahiny aza anefa ny ministera dia vitaina amin’ity taona ity ny fanarenana “entretien périodique” ny RN44 mampitohy an’Ambatondrazaka amin’ny renivohitra. Fampanantenan’i Andry Rajoelina mantsy izy io. Ao anatin’ny fandaharanasan’ity ministeran’ny asa vaventy koa anefa ny fanarenana ny RN43 mampitohy an’i Faratsiho sy Soavinandriana.

Yves