Actualités

Fanambaram-pananana Tokony hatao isan-taona ?

Actualités
Alatsinainy 09 Mey 2016

Miteraka adihevitra eo amin�ny HCC sy ny Bianco ny fifanoherana misy eo amin�ny lal�na roa manankery eto amintsika mikasika ny fanambaram-pananana ho an�ireo olom-panjakana ambony.

An-daniny, ny lalàna momba ny ady amin’ny kolikoly eto Madagasikara nihatra nanomboka ny taona 2004 mitaky ny fanaovana fanambaram-pananana ho an’ireo tompon’andraiki-panjakana any amin’ny Birao mahaleotena miady amin’ny kolikoly. An-kilany kosa ny andininy faha-41 ao amin’ny Lalàmpanorenan’ny Repoblika faha-IV milaza fa eny anivon’ny Fitsarana Avo momba ny Lalàmpanorenana no tsy maintsy manao filazam-pananana ny filohan’ny Repoblika, ireo mpikambana ao amin’ny governemanta, parlemantera loholona sy depiote ary ireo mpikambana ao amin’ny Fitsarana Avo momba ny Lalàmpanorenana mialoha ny fe-potoana hiasan’izy ireo. Teboka iray tsy mampitovy fijery ireo rafi-panjakana roa ireo ihany koa moa ny vanim-potoana fanatanterahana ny fanambaram-pananana ho an’ireo mpitondra fanjakana isan-tsokajiny eto amin’ny firenena. Takiana any amin’ny fiandohan’ny fe-potoana fiasana fotsiny mantsy izy io, araka ny voalazan’ny Lalàna fototra tamin’ny taona 2010. Tokony hatao isan-taona kosa anefa ny fampahafantarana ny fiovaovan’ny fananan’ireo manampahefana, raha ny voarakitra ao amin’ny lalàna misahana ny ady amin’ny kolikoly ny taona 2004.

Ramano F.