Actualités

Fanafihana mitam-piadiana Lasibatra ny katolika

Actualités
Talata 26 Jolay 2016

Mampiahiahy ny trangan-javatra tato ho ato. Iharan�ny fanafihana misesy ny toerana miankina amin�ny finoana katolika ap�st�lika romana.

Notafihin’andian-jiolahy mitam-piadiana ny toeram-piomanana ho masera ao Besimpona-Moramanga, ny zoma 22 jolay vao mangirandratsy. Tsy fantatra mazava ny tena zavatra nokendren’ireo mpanafika tamin’io, satria tsy nisy zavatra very na dia tafiditra tao amin’ny toby aza ireo jiolahy, ary nanimba zavatra sy namatotra mpiasa tao. Ny alahady 24 jolay, notafihin’ny jiolahy mitam-basy ihany koa ny Fiangonana katolika ao Ankazoabo Atsimo. Naharitra ora iray ny poa-basy. Lasan’ireo jiolahy tamin’izany ny lakolosim-piangonana. Manoloana ireo tranga ireo dia be no mametra-panontaniana ankehitriny raha toa ka valibontana tamin’ilay raharaha Soamahamanina, izay nanehoan’ny fiangonana katolika ny heviny sy ireo fanamarihana miharo tsikera nataon’ny Eveka katôlika izao herisetra atao amin’ny fiangonana katôlika izao.

Jean D.