Actualités

Fanadinana BEPC Ny zokin�ilay kandida no namita ny roa andro voalohany

Actualités
Alatsinainy 01 Aogositra 2011

Vaovao mahoraka tao Mampikony ity tranga ity. Ny zokin'ilay mpiadina Bepc no niatrika ny fanadinana ny andro voalohany sy faharoa ary ilay tena kandida no namita ny andro fahatelo sy fahefatra sady namarana azy. Ny nahagaga dia efa taty amin’ny andro fahefatra, hono, vao tratra izany. Tsy fantatra mazava hatreto ny anton’io. Ankoatra izay, nanokafana foibem-panadinana vaovao tao amin’ny Ceg Bekoratsaka sy Ambohitoaka ary Ampasimatera, mbola any amin’ny Cisco Mampikony ihany. Fa ny nahatalanjona dia tsy mikatona ilay faritra misy ny anarana sy ny mombamomba ireo mpiadina amin’ireo taratasim-panadinana avy any Ampasimatera, ankoatra izay dia tsy nihidy koa ilay valopy nisy ireo kopian’ny mpiadina. Andrasana amin’ity herinandro ity moa ny voka-panadinana Bepc ôfisialy araka ny fampanantenana nataon’ny ministeran’ny fanabeazam-pirenena.

Nangonin’i Jean D.