Actualités

Fampielezana vaovao tsy marina Nanazava ny tena nitranga ny polisim-pirenena

Actualités
Alatsinainy 12 Septambra 2022

Misy tranga mila hazavaina sy havana tsara fa misy fotoana diso ny vaovao misy manaparitaka amin’ny facebook, hoy ny polisim-pirenena .

Ka hoy indrindra ny fanazavana .Nisy " Publication" milaza fa nisy ny fifampitifirana ka nahatonga ireo naratra tonga teny amin'ny hopitaly HJRA. Nolazaina ihany koa fa tonga teny amin'ny hopitaly ny Minisitry ny Filaminam-bahoaka sy ny Minisitry ny Fiarovam-pirenena ary ireo Polisy marobe . Toy izao anefa no tena zava-nisy , raha ny fanazavana ofisialy : lozam-pifamoivoizana roa samihafa teny amin'ny lalam-pirenena fahafito no nifanojo tamin'ny lalan'ny Minisitry ny Filaminam-bahoaka. Ny voalohany dia taxi-brousse iray avy aty Antananarivo hizotra ho any Belo sur Tsiribihina no niharan-doza tetsy Anjomakely ka Polisy miisa 02 handeha hamita iraka no naratra tamin'izany . Ny faharoa kosa teny Ambohibao ( commune rurale bongatsara) , lehilahy iray nitondra moto nandona "Borne kilométrique " ary nifatratra tany anaty lavaka niala ny lalana.
Vao nahita ireo lozam-pifamoivoizana ireo ny Minisitry ny Filaminam-bahoaka dia nitondra ireo niharam-boina haingana teny amin'ny hopitaly . Noho ny ratra nahazo ilay lehilahy mpitondra moto dia tsy tana intsony ny ainy, ireo Polisy miisa 02 kosa dia mbola manohy ny fitsaboana azy.

Nangonin’i RTT