Actualités

Fahatapahan-jiro manomboka amin’ny zoma Haharitra 1 ka hatramin’ny 5 ora isaky ny mandeha

Actualités
Alarobia 12 Oktobra 2022

Ho henjana ny hahazo ny mponin’Antananarivo sy ny manodidina manomboka amin’ny Zoma alina ho avy izao, fotoana hametrahana ilay fitaovana vaovao ao Andekaleka hanana tanjaka 4 G hamatsy

herinaratra ny tambajotra iraisan’Antananarivo. Ora 01 mantsy raha kely no ho tapaka ny jiro raha hahatratra hatrany amin’ny adin’ny 5 kosa no faharetany. Hitohy hatramin’ny talata 18 oktobra izany fahapatahan-jiro izany. Na izany aza dia fantatra fa efa miara-miasa amin’ny APIPA ny JIRAMA amin’ny fampiakarana ny tahan'ny fampidirin-drano hahafahan'ireo Toby mpamokatra herinaratra madinika mampiakatra ny herinaratra vokarina. Anisan'ireo hosokafana ohatra i Tsiazompaniry. Mbola hisy ny fijerena ireo toeran-kafa mba tsy hahalava loatra ny fahatapahan-jiro hiainan’ny isan-tokantrano. Ankoatra ireo orinasa mivelona amin’ny asa mila herinaratra moa dia fantatra fa efa miaina ao anaty tebiteby sakafo ny isan-tokantrano raha tsy hiresaka afa-tsy ny tsy fisian’ny fandriampahalemana fotsiny isika.
Nangonin’i Pati
Legende : Efa mandeha ny asa fanamboarana ao Andekalela amin’izao