Actualités

Partagé sur :
• facebook

Tafiditra tanteraka ato anatin’ny ivon’ny vanim-potoanan’ny ririnina isika ankehitriny. Mamirifiry mafy izany amin’ny ankapobeny nefa mbola misy hafanana ihany any amin’ny faritra sasany toa an’i Mahajanga.

Tsy vitsy ireo lasa mihazakazaka any an-toerana noho izany, fihetsika izay ilana fitandremana be raha araka ny fanazavan’ny dokotera Fidy Bariniaina omaly. Rehefa miala amin’ny toerana mangatsiaka ka mankany amin’ny mafana na avy any amin’ny mafana ka mankany amin’ny toerana mangatsiaka mantsy dia tokony hitandrinabe amin’ny fitafiana raha araka ny fanazavan hatranyy hisorohana ny aretina avy tampoka toy ny tazo.Tokony ho atin’akanjo vita amin’ny hasy hatrany no hanaovana hoy izy. Tokony hisotro rano 1 litatra isan’andro ihany koa ho an’ireo milanja 50 kg, rano izay nohamafisiny fa avy nampangotrahana, tokony ho ampy torimaso tsara ary tokony hihinana sakafo ara-pahasalamana ahitana ny proteina, ny sakafo mitondra hery sy hafanana ary ireo karazan-tsakafo ahitana otrik’aina ny tsirairay. Tokony hitandrina ihany koa hoy dokotera Fidy manoloana ireo karazan-tsakafo tsy mahazatra ny vavony hita any amin’ny faritra hialana amin’ny aretin-kibo sy ny tsy fahalevonan-kanina. Ho an’ireo manana aretina mitaiza moa dia nohamafisin’ny dokotera Fidy fa tokony hitondra fanafody hatrany izy ireny rehefa miala ny tokantranony ary tokony hanatona dokotera avy hatrany raha vantany vao misy tsy fahasalamana mipoitra tampoka.
Pati
 

Tia Tanindrazana

Samia mijoro ho an'i Gasikara.