Actualités

Eo ampiandrasana praiminisitra Miaka-dapa ny valala

Actualités
Alarobia 09 Aprily 2014

Ny valala misy ny mpilaza mahay ! Ara-bakiteny tokoa io, raha ny zavatra hita teny Atsimondrano teny tao anatin�ny roa andro izay.

Miaka-dapa ny valala mena elatra rehefa tsy mety voatendry ny praiminisitra. Rehefa avy nitety an’i Menabe, Bongolava ary Vakinankaratra dia niditra an’Analamanga hatry ny talata teo ny andiam-balala matevina. Nitety iny ilany atsimon’ny Distrikan’Atsimondrano iny izy omaly tontolo ary nitokona tao Ankadivoribe, Beravina nony hariva, rehefa avy nihaodihaody teny Bongatsara, Kaominina misy ny Lapam-panjakana Iavoloha. Fanaovana donak’afo amin’ny alalan’ny fandoroana tanety sy bozaka no hany mba fitaovana hitan’ny tantsaha nandroahana ireo andiam-balala ireo. Na izany aza dia nandripaka voly tamin’izay toerana nolalovany izy ireo.