Actualités

Dr Jules Andriamaholison Azo atao tsara ny mampidina ny vidim-bary

Actualités
Alakamisy 25 Jolay 2013

Azo atao tsara ny mampidina ny vidim-bary eto amintsika mba hiadanan'ny vahoaka madinika nefa tsy hamonoana ireo tantsaha mpamokatra, hoy ny Dr Jules Andriamaholison mpikambana ao amin�ny Komitim-panavotana ho an'i Madagasikara (KPM) izay vondrona ahitana ireo mpikambana eo anivon'ny Filankevitra ambonin'ny tetezamita (CST) nesorina tamin'ny toerany.

Amin'ny alalan'ny famatsiana vola ny vidim-bary izay tokony hataon'ny fanjakana no hahafahana mampihena izany, hoy ny Dr Jules Andriamaholison fa tsy lanilaniana fotsiny ny volam-bahoaka. Ny vary mantsy ankehitriny no tena mahaory ny isan-tokantrano, hoy ihany ity mpikambana CST ity antony nanosika azy ireo hizara fotsimbary ho an'ireo olona sahirana teny La Réunion kely Ampefiloha omaly. Nanamafy moa ny KPM fa raha mifarana ny krizy dia vitan'izy ireo ny mamerina ny AGOA mba hahafahan'ireo very asa miaina toy ny teo aloha indray.

Pati