Actualités

Doro tan�na tao Mandraka Andraikitry ny Emmo-Reg ?

Actualités
Talata 26 Aprily 2011

Miteraka resa-be mandraka ankehitriny ao Toamasina ilay doro tan�na nitranga tao Mandraka sy Ambodiampaly, herinandro lasa izay.

Mifamahofaho be ihany ny resaka manodidina ny antony nahamay ny tanàna. Andaniny ny Emmo-reg dia milaza fa nomena iraka handrava ny fitrandrahana safira tsy ara-dalàna tao amin’ireo tanàna ireo. Tora-bato sy sakan-dalana no nitsena azy ireo nony tonga tany. Ankilany indray anefa ireo mpitrandraka safira izay voatery tsy maintsy niala tao, dia misy milaza fa dia ny Emmo-reg no tompon’antoka tamin’ny doro trano tao Mandraka sy Ambodiampaly, mba tsy hahafahan’ireo mpitrandraka safira mijanona ao intsony.

Ny zava-nisy dia kila hatrany amin’ny 80% ny tanàna. Tsy mbola fantatra mazava ny tentim-bidin’ny entana main’ny afo. Nisy olona dimy no voasambotra ary eo am-pelatanan’ny zandary amin’izao fotoana anaovana famotorana. Anio no mety hampiakarana azy ireo eny amin'ny fampanoavana. Ny ankamaroan’ireo mpitrandraka very asa kosa dia mameno sisin-dranomasina ao Toamasina.
Nangonin’i Jean D.