Actualités

DORCIN Nikarama niandry omby, maty an-drano

Actualités
Talata 08 Novambra 2022

Zazalahy kely iray antsoina hoe : Dorcin no fantatra fa nikarama niandry omby tao Androkan'i Vohipagnany, distrikan’i Vangaindrano omaly.

Nanararaotra nandro sy nidio niaraka tamin'ireo namany izy nandritra izany kinanjo zava-doza no nitranga. Naneho ny fahaizany manao ankilentika mantsy ity tovolahy kely ity saingy tsy nipoitra intsony tamin’ny ora farany. Lasa niantso niantso fokonolona ireo namany nandritra izany. Mandrapiverin’ireto farany anefa efa tsy nisy aina intsony Dorcin ka ny vatana mangatsiakany sisa no natsingevan’ny rano. Nomarihin’ireo mponina any an-toerana moa fa efa im-betsaka no maka olona tahaka izao ity renirano ity ka indraindray hanaovana fombafomba mihitsy izy vao hita ireo razana latsaka ao.
Nangonin’i Pati