Actualités

Delestazin’ny Jirama Mamotika fiainan’olona maro

Actualités
Alatsinainy 27 Desambra 2021

Tsy misy tsy mitaraina amin’ny delestazy ny rehetra. Miantraika tanteraka amin’ny asa fihariana, ary mamotika zavatra maro

. Hatramin’ny hopitaly aza lasibatra kanefa maro ny fitaovana mila herinaratra, ary iankinan’ny ain’olombelona mihitsy. Ekena fa misy ny milina afaka miodina ho an’ny sasany, saingy mety hisy olana. Ireo fihariana miankina amin’ny herinaratra aloha dia lasibatra tanteraka, ka isan’izany ireo mpanao mofomamy nandritra ny fetin’ny krismasy teo. Ny asan'ireo zanako simba (tapaka jiro) tany antsena. Ny asan'ireo zanako simba (tapaka jiro) teo ampanodinana ireo “crème”,... Ny asan'ireo zanako simba tapaka jiro tao anaty frigidaire. Ireo entana simba tsy mba azo navotana akory. Tezitra tamin-dry zareo ireo “client” tsy nahazo efa niandry fatratra nanomboka 24 desambra, simba ny orin'asa keliny afabaraka 200%. Very vola. Sambany tamin’ny fiainanay ny tsy nandeha nivavaka tany ampiangonana ny 25 desambra 2021 fa nifanampy namita izay tratra nandritra ny jiro mba nandeha avy eo niaraka nanao “livraison”, izaho no mandray ny finday miaritra ny vavan'ireo “clients” satria efa dila ny fotoana nilany ny entana”, hoy ny Raim-pianankaviana iray. Ampahany amin’ny fanehoan-kevitra vokatry ny fatiantoka ara-toekarena ateraky ny delestazin’ny Jirama.
Toky R