Actualités

Dadan’i Dylan Nahazo sazy miantona 3 taona sy lamandy 1 tapitrisa Ar

Actualités
Alarobia 30 Desambra 2020

Sazy miantona 3 taona no azon’ny Dadan’i Dylan, ilay raim-pianakaviana namono

an-janany teny Soavimasoandro tapa-bolana lasa izay niampy lamandy 1 tapitrisa Ar. Nivoaka omaly ny didim-pitsarana mifandraika amin’izany raha efa notazonina vonjimaika teny Antanimora kosa izy mandra-piandry izany. Raha tsiahivina kely ny tantara dia horonan-tsary niparitaka tao anaty tambajotran-tserasera facebook izay naneho ny fihetsika rehetra nentin’ity rangahy ity nibedesana an-janany tamin’ny alalan’ny kapoka sy ny fampanaovana paompy ankalamanjana no niparitaka ka nanokafan’ny polisy misahana ny zaza tsy ampy taona etsy Tsaralalana fanadihadiana. Efa nifona izy tamin’izany ary nilaza fa nentin’ny hatezerana diso tafahoatra noho ilay zanany tsy mety mandeha mianatra fa mingitrika miaraka amin’ny namany. Mba ho fanarenana ilay zaza ihany koa moa dia napetraka any amin’ny akany fitaizana ankizy nania koa ity farany.

Pati