Actualités

CEPE tany Manandriana 71 isan-jato ny taham-pahafahana

Actualités
Sabotsy 27 Jolay 2013

Ny Cisco Manandriana no nahafeno ny voka-panadinana Cepe voalohany tao amin�ny Faritra Amoron�i Mania.

Nisy mpiadina 2.199 niatrika izany fanadinana Cepe izany ny talata 16 jolay teo, afaka soa aman-tsara ny 1.570 tamin’ireo izay manome ny salan’isa 71%. Nisy fiakarany io taham-pahafahana io raha ampitahaina tamin’ny taon-dasa araka ny nambaran’ny tompon’andraikitra ao amin’ny DREN Amoron’i Mania. Sekoly EPP iray tao amin’ny Kaominina Ambohimahazo no nahazoam-bokatra tsara indrindra tao amin’ny Distrika Manandriana izay nahatratra 95,35%, tany Andakakatanibe kosa nahatratra 50% ary tsy nisy taham-pahafahana ambanin’ireo tao amin’ny Cisco Manandriana. Tsara ny vokatra nefa mandra-piandry ny ny valim-panadinana hidirana amin’ny kilasy faha-6 dia efa maro ireo ray aman-drenin’ny mpianatra nahafa-janaka Cepe no efa mivaky loha sahady ny sekoly hampidirana ireo mpianatra ireo any amin’ny tsy miankina satria voafetra ihany ny Ceg handray azy ireo.

Rado