Actualités

CEG Ambatoboeny Potika vokatry ny orana sy ny avandra

Actualités
Alakamisy 17 Novambra 2022

Potika tanteraka ny CEG ao Ambatoboeny. Nilatsaka nandritra ny ora iray mantsy ny orana tany an-toerana afak’ omaly hariva nanomboka tamin'ny 6ora.

Narahina rivotra sy avandra lehibe izay mbola tsy fahita hatramin’izay tany an-toerana izany, hoy ny vaovao. Vokany, simba tanteraka ilay CEG ao an-tampon-tanana. Raha ny rindrina sy ny tafo ka tsy misy efitrano hianaran’ireo mpianatra intsony. Manao antso avo amin'ny Ministeran'ny Fanabeazam-pirenena ireo Ray aman-dRenin’ny mpianatra any an-toerana araka izany mba hijery ity sekoly rava ity. Ankoatra ity CEG iray ity moa dia matahotra ny fahasimban'ireo voly rehetra any antsaha ihany koa ireo tantsaha mpamokatra ao Ambatoboeny izay marihina fa hampiditra fatiantoka goavana ho azy ireo tokoa.
Nangonin’i Pati
Legende : Rava tahaka izao ilay CEG