Actualités

BNI Madagascar Mandray ny mpindram-bola rehetra

Actualités
Alarobia 03 Aogositra 2016

Mitohy hatrany ny ezaka ataon�ny banky BNI Madagascar ho fanampiana ny mpiara-belona.

Lohalaharana amin’izany ny fampindramam-bola izay azon’ny rehetra atao rehefa manana anton’asa mahavelona. Nampahafantarina tamim-pomba ofisialy omaly ny fisian’izany ao anatin’ilay teny filamatra manao hoe : fampindramam-bola misy hisafidianana. Misy karazany efatra izy ireo entina hanatanterahana ny nofinofin’ny tsirairay dia ny Malaky entina hanefana ireo fandaniana tampoka amin’ny asa fanamboaran-trano ohatra, ny Vina hanatanterahana ireo tetikasan’ny tena manokana, ny Vaika hividianana fiara na môtô ary ny Tosika entina hanampiana ireo mpiasam-panjakana hifindra trano na honina amina toerana iray mifanaraka amin’ny filany. Raha araka ny fanadihadiana natao dia taratasy findramam-bola manodidina ny 6.000 isa no andrasan’ity banky iray ity horaisina ao anatin’ny iray na roa volana monja, entina hamaliana ny hetahetan’ny tsirairay. Tsiahivina fa hanokatra ny masoivohony faha-49 tsy ho ela ity banky iray ity entina hanaporofoana hatrany ny fanakaikezan’izy ireo ny mpanjifa.

Pati