Actualités

Bizina vilanin-drazana 200.000 Ar ny iray

Actualités
Sabotsy 06 Aogositra 2016

Ankoatra ny olon-tsotra mody alina na mivoaka maraina loatra sao voavelin�ny bois rond dia mitaintaina noho ny tsy fisian�ny fandriampahalemana ihany koa ankehitriny ireo olona manana ireny karazana vilany vy lehibe taloha ireny.

Raha araka ny fantatra mantsy dia mitohy hatrany ny fitadiavan’ireo olona mpanam-bola ireny vilany vy ireny izay sahiny vidiana 200.000 Ar ny iray raha kely indrindra ary mitety tanàna mihitsy izy ireo. Ireo faritra ambanivohitra toa an’Ambatomirahavavy, Imerintsiatosika iny amin’izao no tena miaina izany isan’andro, hany ka velom-panahiana ny amin’ny mety hamoizany ny ainy tampoka ny mponina satria misy mihitsy ireo mamaky trano mikaroka io vilanin-drazana io. Araka ny fantatra anefa dia vilany nolovaina tamin’ny razambe izy ireny, izany hoe tsy azo amidy ary ajanona mba ho hitan’ny taranaka faramandimby. Ankehitriny, efa tena lasa bizina tanteraka izy ity, ary fianakaviana maro no mivelona aminy amin’ny alalan’ny fitetezana tanàna. Ireo teratany Sinoa eto amintsika ihany no ati-doha miketrika ity fividianana vilany vy ity. Raha mitohy izao dia inoana fa hiitatra any amin-javatra tsy eritreretina intsony izao bizina vilany taloha izao raha tsy mandray ny andraikiny ny fanjakana.

Pati