Actualités

Betafo Zara raha misy mpampianatra miasa

Actualités
Zoma 25 Mey 2012

Na dia voalaza aza fa miasa avokoa ireo mpampianatra manerana ny Faritra Vakinankaratra dia toa tsy izany ny zava-misy rehefa midina any amin�ireo Cisco manodidina.

Raha ny hita tao Betafo mantsy dia zara misy mampianatra ireo mpampianatra. Nambaran’ireo mpianatra sendra ireo mpanao gazety nidina tany an-toerana ny alarobia teo mantsy fa raha ny tao amin’ny CEG Betafo dia manodidina ny 20% eo ho eo fotsiny ny mpampianatra no miasa fa dia voalaza fa mivorivory any amin’ny toerana hafa any fotsiny izy ireo rehefa noravan’ny OMC ny fitokonana tao amin’izy ireo. Voalaza ihany koa fa dimy fotsiny ny mpampianatra mampianatra ao amin’ny lycée Betafo. Isan’ny olan’ny mpianatra moa ny tsy fahafantarana ny fandaharam-potoanan’ny mpampianatra mitokona ka matetika izy ireo efa tonga any am-pianarana vao alefa mody ka lasa very fotoana ny ankamaroany. Nezahina moa ny nitady ny mpitarika ny SEMPAMA rezionaly, saingy tsy hita izy. Hatreto izany dia mbola mitohy ny fitokonan’ny mpampianatra ao Vakinakaratra.

Caïus Raharison