Actualités

Beravina Itaosy Saika nidiran-doza ilay zazalahy namono tarondro

Actualités
Alatsinainy 14 Febroary 2022

Zazalahy kely iray vao 3 taona monja no fantatra fa namono tarondro teny Beravina Itaosy teny, distrikan’Antananarivo Atsimondrano

ka saika nidiran-doza. Ny faran’ny herinandro teo no nitrangan’izany. Nihazakazaka namonjy mpitaiza olona avy hatrany ny Ray aman-dRenin’ity zaza ity raha araka ny fantatra hahafantarana izay tokony hatao.Nisy ny fombafomba tsy maintsy notanterahina nandritra izany izay tamin’io faran’ny herinandro io ihany.Nofonosina lamba miloko mena ireo tarondro roa maty ary nalevina tao anaty lavaka.Mbola nisy ireo fombafomba hafa natao ankoatra izay. Marihina moa fa maromaro tamin’ireo ankizy namono tarondro tahaka ity zaza ity no efa namoy ny ainy tsy fidiny. Miara-maty amin’ilay biby novonoina ny sasany. Raha araka ny fantatra, sy ny resaka any anaty farahamonina mantsy dia bibin-javatra ny tarondro ka tsy azo vonovonoim-poana. Ny fihetsika tokony hatao raha vantany vao mahita azy ireny dia ny manala azy amin’ny hazo moramora handeha ho any amin’ny toeran-kafa.
Pati
Legende : Nofonosina lamba miloko mena tahaka izao dia nalevina ireo tarondro roa namoy ny ainy