Actualités
Talata 08 Oktobra 2013
Benenitra
> Olona 5 maty, omby 130 lasan’ny dahalo
Noho ny firongatry ny asan-dahalo arahina vono olona foana any amin’ny distrikan’i Benenitra, faritra Atsimo Andrefana dia mitsoaka any anaty ala ny mponina amin’izao ary ahiana ny tsy hahatomombana na ny hampisy ny fifidianana, hoy ireo solontenam-pokonolona nitafa tamin’ny mpanao gazety. Araka ny voalazan’izy ireo dia manao sesilany ny halatra omby arahina vono olona ary efa tafakatra dimy ny maty ankehitriny, ka dahalo ny iray. Ny 3 oktobra lasa teo dia omby 130 no lasan’ny dahalo 50 lahy mahery, nirongo basy Kalaky ny sasany, tao Ankarefo. Tetsy an-daniny, niezaka nanohitra sy nanao ny fanarahan-dia ny fokonolona, saingy niveri-maina rehefa tonga tao Ankilimaro tanàna fieren’ireo jiolahy.
Ankilimaro tanàna fieren'ireo dahalo
Araka ny fanazavana hatrany dia fantatry ny tompon’andraiki-panjakana any an-toerana fa toby famaharan’ireo malaso ny ao Ankilimaro, nefa tsy misy sahy mihetsika. Voalaza ihany koa fa ao amin’ity tanàna ity no fanafenana sy fanadiovana ireo omby halatra. Nanamafy ireto solontenam-pokonolona ireto fa ny omby halatra an-jatony mahery very dia tsy mbola nisy na dia iray tafaverina tamin’ny tompony. Manoloana izany dia miraviravy tanana tanteraka ny mponina any amin’ny distrikan’i Benenitra sy ireo faritra manodidina azy, ka manaitra foana ny sain’ny tompon’andraikitra mba hijery akaiky amin’izay ny zava-misy.
ER
Tia Tanindrazana
Samia mijoro ho an'i Gasikara.
Ao amin’ity sokajy ity ihany : Actualités
.jpg)
-
Famindrana mpivarotra
- Talata 12 Mey 2026
-
ROVAN' AMBOHIDRATRIMO
- Talata 12 Mey 2026
.jpg)
-
Mbola tazonina i Naivo Raholdina
- Talata 12 Mey 2026
(1).jpg)
-
Filazana fa tsy mahazo
- Talata 12 Mey 2026
.jpg)
-
TSENA ETSY AMIN'NY
- Talata 12 Mey 2026
.jpg)
-
Tontolon’ny fitsarana
- Talata 12 Mey 2026