Actualités

Partagé sur :
• facebook

Saika isan-kerinandro dia itrangana asan-jiolahy hatrany eny Avaradoha sy Betongolo.

 Ny sabotsy lasa teo, tamin’ny fito ora hariva no tafiditra tao amin’ny tokantrano iray eny Avaradoha tsy lavitry ny tobin’ny zandary ireo jiolahy miisa roa miaraka amin’ny fitaovam-piadiana, ka niafina tao ambany tohatra. Rehefa tapitra natory avokoa ny tompon-trano 5 mianaka niaraka tamin’ny mpanampy iray tokony ho tamin’ny sivy ora alina dia nivoaka moramora ireo jiolahy ary nanangona izay rehetra zakan’izy ireo tao amin’ny efitra ambany rihana tao amin’ny efitra fandraisam-bahiny sy lakozia. Adiny roa no nanangonan’izy ireo ny entana rehetra izay tsy ren’ny tompon-trano mihitsy. Efa tamin’ny 11 ora alina vao taitra raha naheno feona fiara miainga teo am-bavahady ireo tompon-trano.

Efa nisokatra koa ny vavahady ka raha nidina saika hanidy izany ity raim-pianakaviana no nahita fa foana ny entana rehetra toy ny fahitalavitra, radio mini chaine, lecteur, home cinema, seza, lovia sy ny fitaovana maro tao an-dakozia sy haingon-trano maro samihafa. Niezaka niantso vonjy ny tompon-trano saingy efa nadio ny lalan’ireo olon-dratsy. Anisan’ny mampitaraina ny mponina eny an-toerana ny fisian’ny vaky trano matetika, nefa tsy mbola nisy tratra ireo olon-dratsy na dia akaiky zandary aza eny Betongolo. Nanamafy ny filohan’ny fokontany eny an-toerana fa hamafisina ny andrimasom-pokonolona,

Tia Tanindrazana

Samia mijoro ho an'i Gasikara.