Actualités

Partagé sur :
• facebook

Fampandrosoana mivaingana sy fidinana eny ifotony no anisan`ireo fepetra

takiana tamin` ireo tomponandraikitra voatendry eny anivon` ny vondrom-bahoakam-paritra itsinjaram-pahefana. Samy miroso amin` ny fanaovana tatitra ireo governora amin`izao fotoana izao ary samy miaiky ireo governora fa taonan` ny asa ny taona 2021. “Mirefy 36 km, 100m ny lalana amboarina ao amin` ny faritra Atsimo Andrefana ka hatao tara ny 12 km ary mirefy 13 km, 800m kosa ny rarivato ary 10 km ny lalan-tany. hoy ny governoran` ity faritra ity. Ho an` ny fanatanjahantena dia miisa dimy ny fotodrafitrasa lehibe ka anisan` izany ny kianja Me Kira sy ny kianja mitafo ao Ampanihy sy Toliara. Eo koa ny dobo filomanosana olympika” hoy ny governoran` ny Faritra Atsimo Andrefana raha nitatitra ny vina ho amin` ny taona 2021 ny herinandro lasa teo. Ho an`i Hery Rasoamaromaka, governoran` ny faritra Analamanga, “2021: taonan'ny asa. Na dia mihoatra ny nandrasana ireo zava-bita tamin` ny 2020”. Ny filoham-pirenena dia nanambara ireo vinany ho an`ny taona 2021. Ny fanatanterahana ireo tetikasa hipaka mivantana any amin`ny vahoaka dia mampandray andraikitra goavana an` ireo governora. Mitaky fivoarana mivaingana ary miainga eny ifotony ny Filoham-pirenena. Vina efa nampahafantarina an`ireo governora izany. Ny fampandrosoana no laharampahamena ary efa nomena an`ireto lehiben`ny faritra ireto ny enti-manana mba hahafahan` izy ireo manatanteraka ireo tetikasa. Hisy, araka izany, ny tomban`ezaka hatao amin`ireo governoram-paritra araka ny nambaran` ny Filoha Rajoelina nandritra ny fametrahana ny governora tany amin`ny faritra Matsiatra Ambony ny taona 2020.

Marigny A.

Tia Tanindrazana

Samia mijoro ho an'i Gasikara.