Actualités

Asa fanaovan-gazety Nodimandry ny mpanorina ny Basy Vava

Actualités
Alakamisy 05 Mey 2011

Banga iray ny mpanao gazety Malagasy. Nodimandry teo amin�ny faha-82 taonany ny mpanorina ny gazety Basy Vava, Ramananjato Gabriel.

Nindaosin’ny fahafatesana ny alin’ny talata 03 mey 2011 teo izy, nifanojo indrindra tamin’ny andro natokan’ny Firenena Mikambana ho an’ny fahalalahan’ny asa fanaovan-gazety. Ho an’i Madagasikara manokana dia nanam-pikasana ny hanome voninahitra sy fankasitrahana manokana mpanao gazety zokiolona telo mirahalahy, dia i Max Ratsimandisa, Paul Abraham ary Ramananjato Gabriel ny ministeran’ny serasera amin’ny herinandro ambony io. Hafa anefa ny lahatr’Andriamanitra fa dia nindaosin’ny fahafatesana Ramananjato Gabriel. Mpanao gazety mahitsy, tsy mba miolakolaka amin’ny zavatra teneniny sy soratany ity farany. Hiala eo Mahamasina Atsimo anio antoandro ny nofo mangatsiakany ary entina hihazo an’Antanetikely, Arivonimamo II toerana handevenana azy rahampitso zoma. Mandria am-piadanana zokibe !

Tia Tanindrazana