Actualités

Arivonimamo Voasambotra ilay mpisoloky fa mahatafavoaka voafonja

Actualités
Zoma 02 Jolay 2021

Lehilahy iray 43 taona milaza ho mahavita mamoaka olona ao amin’ny fonjaben'Arivonimamo no tratra rehefa ela nisolokiana tamin’olona raha araka ny vaovao azo

. Manatona ireny fianakavian'ny voafonja ireny izy ary miresaka momba izany. Fianakaviana iray no tratran’ny vela-pandrika nataony ka nangalany vola 6 600 000 Ar. Nambarany fa entiny mandroso ny fotoam-pitsarana sy hahafahany manafaka ilay voafonja io lelavola io. Rehefa tena nandeha anefa ny fotoana dia nilaza izy fa nihemotra hatrany ny fotoam-pitsarana no sady tsy ampy ilay vola ka mila manampy kely ilay fianakaviana manana olana. Nomen’ny fianakaviana fotoana araka izany ity lehilahy ity mba haka ilay vola ka tra-tehaka soa aman-tsara, tranga niseho teo imason’ny polisy. Rehefa vita ny fanadihadiana mahakasika ity farany dia naiditra am-ponja vonjimaika izy.
Nangonin’i Pati