Actualités

Arivonimamo – Manalalondo Manomboka ny fanamboaran-dalana

Actualités
Alatsinainy 07 Desambra 2020

Manomboka ny fanamboarana ny lalana RIP 84 mampitohy ny Kaominina

Arivonimamo (PK45+800 RN1BIS) sy ny kaominina Manalalondo. Lalana mirefy 38 km no hamboarina. kaominina telo no lalovan'ity làlana ity, Amboanana Pk16, Alakamisikely PK25, miafara eo Manalalondo PK38. Marihana fa rehefa main-tany dia handaniana adiny dimy noho ny lalàn-dratsy ny mampifandray an` I Manalalondo sy Arivonimamo. Rehefa fahavaratra dia iray andro manijitra mihitsy no hanaovana izany. Ireny fiara tsy mataho-dalana ireny no ankamaroan` ireo fiara mpitatitra izay miainga etsy amin`ny toby fiantsoanana Anosizato Andrefana. Afa-pahoriana ny mponina any amin` ireo kaominina ireo noho ity fanamboaran-dalana ity. Fitrongisana sy fanamarinana ny arabe (Travaux de terrassement) no tena asa hatao amin’ny ankapobeny. Misy ihany ny ampahan-dalana ho atao rary vato amin’ireo toerana tena simba sy dibo-drano matetika toy ny eo Anonibe, izay tena mampijaly rehefa avy orana. Fantatra fa 90 andro no ho faharetan’ny asa izay hifarana amin’ny volana Febroary 2021.

Marigny A.