Actualités

Aretina tazomoka Mbola mamono Malagasy maro

Actualités
Talata 19 Jolay 2016

Nifamotoana tao Dakar ny solontenan�ireo firenena afrikanina tompon�andraikitra sy manampahaizana momba ny ady amin�ny tazomoka ny herinandro lasa teo.

Atrikasam-pifanakalozana andiany faha-15 fanao isan-taona amin’ny fampiharana modely momba ny fandaharanasa iraisam-pirenena iadiana amin’ny tazomoka. Misongadina hatrany i Senegal izay efa mahafehy tsara ny fitantanana nasionaly amin’ny alalan’ny fitiliana haingana sahanin’ireo tsara sitrapo eny anivon’ny fiarahamonina. Nidina 37% ny trangana malaria teo anelanelan’ny taona 2000 hatramin’ny 2015 manerantany. Nihemotra hatrany amin’ny 60% ny taham-pahafatesana amin’ny ankapobeny. 65% kosa izany ho an’ny ankizy latsaky ny 5 taona. Mbola ambony anefa hatreto ny salan’isana tazomoka ho an’ny faritra Atsimon’i Afrika. Nahatratra 88% ny tranga tamin’ny taona 2015 raha nanodidina ny 90% ireo maty. Anisan’ny voakasik’ity aretina mamono olona ity manokana moa i Madagasikara. Malagasy 300 hatramin’ny 600 tamin’ny tranga 4 hetsy no maty ny taona 2014. Namoy ain’olona 19 tamin’ireo tranga 150.000 nandritra ny 3 volana voalohan’ny taona 2016. Malagasy 46 tamin’ireo 284.000 voan’ny tazomoka no tsy tana kosa ny volana janoary hatramin’ny martsa 2015.

Ramano F.