Actualités

Araben�ny fahaleovantena Hiova ho toerana hiriariavan�ny mpandeha an-tongotra

Actualités
Alakamisy 09 Jona 2016

Tsy ho azon�ny fiarakodia ivezivezena intsony ny Araben�ny fahaleovantena ny 15 hatramin�ny 30 Jona 2016 noho ireo hetsika aman-danonana samihafa hankalazana ny Fetin�ny Fahaleovantena.

Ny «Carnaval de Madagascar» (ny 17 hatramin’ny 19 jona) karakarain’ny ORTANA no hanombohana ny fankalazana manetriketrika ny Asaramanitra eo amin’ny Araben’ny Fahaleovantena, ho an’ny eto an-drenivohitra. Hiova ho toerana hiriariavan’ny mpandeha an-tongotra ny Araben’ny Fahaleovantena hatramin’ny faran’ny volana Jona. Fialamboly marolafy sy maro loko no ho hita eny an-toerana dia ny hiragasy, ny « Fête de la Musique » izay efa nankalazaina isaky ny 21 jona nanomboka ny taona 1987, ny tangoron-javamaneno ary fanatanjahantena. Hisy koa ny fampirantiana ireo fiarakodia tranainy, vokatry ny asa tanana malagasy amin’ny tranoheva samihafa. Hisy « Podium” roa ho an’ny mpanakanto vao misandratra sy ireo efa matihanina. Hisy koa ny Diaben’ny arendrina hiarahan’ny Boriborintany enina eto an-drenivohitra.

Nangonin’i Jean D.