Actualités

Partagé sur :
• facebook

Tsy ara-dalàna ny akamaroan’ny mpivarotra ao Antsirabe amin’izao fotoana raha ny fanamarihana nataon’ny tompon’andraikitry ny hetra ao an-toerana.

 Raha ny fisafoana natao tamina Fokontany iray ny talata 12 jona lasa teo dia hita fa 32 tamin’ireo 37 nosavaina no tsy nanara-dalàna. Nohamafisin-Rtoa Nahary Rakotoson, lehiben’ny Ivon-ketra A, Antsirabe fa 2000 fotsiny no misoratra any amin’izy ireo kanefa ny mpivarotra ao Antsirabe dia efa an’aliny. Natao ity fisafoana ity mba hanazavana amin’ireo mpivarotra mba hiditra amin’ny sehatra matihanina kokoa satria ny hetra izay alaina amin’izy ireo dia miditra any amin’ny kitapom-bolan’ny Kaominina sy ny faritra ary hanaovana asa fampandrosoana ho azy ireo ihany avy eo. Misy ny ezaka ataon’ny Kaominina Ambonivohitra amin’izao fotoana mba hampiakarana ny tahan’ny fandoavan-ketra ka mandritra ny roa volana no anaovana izany hetsika izany dia ny volana jona sy ny jolay ho avy io. Fantatra ihany koa fa nahatratra 200 tapitrisa Ariary teo ho eo ny hetra niditra tamin’ny alalan’ny zava-pisotro misy alikaola. Nizara telo mazava izany ka ny 60% ho an’ny Kaominina, ny 36% mankany amin’ny Faritra ary ny 1% hampiasaina ho fanentanana ireo tsy mbola tafiditra amin’ny sehatry ny ara-dalàna. Fantatra ihany koa fa miditra 100% ho an’ny Kaominina ny hetra amin’ny fahazoan-dalana hivarotra zava-pisotro misy alikaola, ny hetran-tany ary ny hetran-trano.

Caïus Raharison

Tia Tanindrazana

Samia mijoro ho an'i Gasikara.