Actualités

Antsahatsiresy - Sabotsy Namehana Nahitana zaza menavava nisy nanary

Actualités
Talata 05 Jolay 2022

Zaza menavava sahabo mbola tsy ampy iray volana no nisy nanary teny Antsahatsiresy, Sabotsy Namehana, omaly hariva,

tokony ho tamin’ny 5 ora teo ho eo. Vitan’ilay na ireo ray aman-drenin’ity zazakely ity ny nampitafy tsara ilay zaza ary io no isan’ny nahagaga ny maro nahita ity tranga ity hoe fa dia nahoana loatra! Niezaka nanao antso avo tao anaty tambazotran-tserasera moa ireo nahita ity zaza ity sao mba misy mahafantatra ny fianakaviany na koa sao dia mba ho hitan’ny fianakavian’ilay zaza ihany ity zaza ity ka mba hisy hangoraka handray an-tanana ny momba azy. Hatramin’ny fotoana nanoratanay anefa dia mbola tsy nahenoana tohiny ny mikasika ity tranga ity. Andrasana ny anio.
J. Mirija