Actualités

ANKATSO II Harodana avokoa ireo trano sy tsena miorina tsy ara-dal�na ?

Actualités
Alarobia 01 Aogositra 2012

Mirongatra ny fananganana trano sy tsena tsy ara-dal�na eny amin�ny toeram-ponenan�ny mpianatra eny Ankatso II amin�izao fotoana izao.

Saika mijoalajoala avokoa ny ankamaroan’ireo trano vao haorina raha somary kelikely kosa ny tsena. Vokany, saika feno trano avokoa ny toerana malalaka rehetra. Elakela-trano sisa no manelanelana ny tranon’ny mpianatra amin’ny tranon’olon-tsotra. Manoloana izany dia hisy ny fivoriana hiarahan’ny ministeran’ny fampianarana ambony sy ny CROUA, sampandraharaha mpitantana ny fotodrafitrasa ho an’ny mpianatra ato ho ato. Fihaonana izay efa natomboka, tapa-bolana lasa izay ka niarahan’ny roa tonta nanapa-kevitra fa harodana avokoa izay trano sy tsena tsy ara-dalàna rehetra eny Ankatso II. Andrasana, araka izany, izay mety ho tohin’ity raharaha ity. Ireo tompon’ny trano sy ny tsena koa eo an-daniny, miziriziry tsy manaiky lembenana, ireo manangana mbola manohy ny asa ihany ka ho hita eo ny tohiny.

Pati