Actualités

Anjomakely Bongatsara Lozam-pifamoivoizana naharatrana olona mianaka

Actualités
Sabotsy 27 Jolay 2013

Vehivavy iray, 30 taona, monina ao Ampangabe Tsinjony, niaraka tamin’ny zanany vao telo volana monja no naratra mafy vokatry ny fifandonana taksibe miisa telo be izao ny 24 jolay lasa teo teny Anjomakely, Kaominina Bongatsara, lalam-pirenena faha-7 PK 17+800. Taksibe iray ao amin’ny zotra F no fototry ny loza. Nijanona tampoka teo amin’ny toerana tsy fiantsonana akory ka voadonan’ny zotra F ihany tao afarany. Noho ny fifanenjehana nisy teo amin’ireto fiara ireto anefa dia mbola nisy taksibe fahatelo voadona. Vokany, naratra mafy noteren’ny seza izy mianaka kely ireo noho ny hamafin’ny fifandonana. Nentina notsaboina avy hatrany etsy amin’ny hopitaly HJRA Anosy izy ireo ary efa nahazo ny fitsaboana sahaza azy avy. Ny zandarimariam-pirenena etsy Andoharanofotsy no mandray an-tanana ny raharaha amin’izao fotoana izao.

Pati